Andin Hoti, djali i Ukshin Hotit, ka mohuar lajmet se janë gjetur eshtrat e babait të tij dhe se pritet që të kthehen në Kosovë.
Ai ka thënë se lajmi i publikuar në medie është i rrejshëm dhe nuk është i vërtetë.
“Lajm i rrejshëm ose është ndonjë keqkuptim ose është me tendencë, nuk e di cila është”, ka thënë ai për Front Online.
Hoti thotë se 7 të zhdukurit, eshtrat e të cilëve pritet të kthehen në Kosovë janë të Rezallës, dhe nuk ka fare të bëjë me babin e tij, intelektualin Ukshin Hoti.
“Janë 7 persona që vinë prej Kizhevakut brenda disa javëve dhe të 7 personat janë të Masakrës së Rezallës, nuk ka të bëjë asgjë me babain tim”, ka thënë Hoti.
