Arnold me një perlë kundër Aston Villës e dërgon Liverpoolin në Top 4

Ka përfunduar ndeshja mes Liverpoolit dhe Aston Villës, ndeshje kjo e vlefshme për xhiron e 31-të në Premier Ligën angleze.

“Të Kuqtë” zhvilluan ndeshje si vendas, në stadiumin “Anfield Road”, kundër “Luanëve”, të cilën e fituan me rezultat të ngushtë 2:1, përcjell KosovaPress.

Fillimisht, ishte Aston Villa e para që kaloi në epërsi përmes golit të Ollie Watkins në minutën e 43’. Pjesa e parë u mbyll me rezultat minimal në favor të Villas.

Me fillim të pjesës së dytë, Liverpooli arriti ta gjej golin e barazimit, ku në minutën e 57’ Salah shënon për 1:1.

Kur dukej se ndeshja ishte afër përfundimit me një barazim, ylli i Liverpoolit Trent Alexander-Arnold lëshoi një goditje tejet të bukur, dhe në minutën 90+1’ shtesë shënon për 2:1, kështu duke ia siguruar tre pikë të rëndësishme skuadrës së Jurgen Klopp.

Me këtë fitore, Liverpooli ngjitet në pozitën e katërt në tabelë në kuotën e 52 pikëve, aq sa ka edhe West Ham United në vendin e pestë.

Golin e Trent Alexander-Arnold e gjeni më poshtë.

Kategoritë
LajmeSport