“Shpresojmë që këto sulme të përfundojnë menjëherë dhe të mos zgjasin shumë. Duam që këto lëvizje agresive të përfundojnë menjëherë”, tha Melnykov.
Aleksandr Melnykov, babai i të cilit është rus dhe nëna e tij ukrainase, në Panairin e Artit Bashkëkohor ArtAnkara, ku ai erdhi pas një udhëtimi të vështirë 7-ditorë nga Kievi në Ankara, bëri thirrje që sulmet kundër Ukrainës të përfundojnë sa më shpejt të jetë e mundur.
I lindur në Rusi, Melnykov studioi artin në Ukrainë dhe vazhdon punimet e tij për art në punëtorinë e tij në Kiev. Pas intensifikimit të sulmeve të Rusisë ndaj Ukrainës ai u fsheh në një strehimore me gruan e tij.
Melnykov, i cili qëndroi në strehimore për rreth një javë, mori ftesë nga miqtë e tij në Turqi për të marrë pjesë në Panairin e Artit Bashkëkohor ArtAnkara dhe për të vazhduar punën e tij të sigurt gjatë luftës në Turqi. Melnykov, i cili u nis për në kufi me gruan, djalin, nusen dhe nipin, ai i mori edhe 3 macet e tij së bashku me familjen e tij.
Atij iu desh të linte nipin dhe nusen e tij në Lviv pasi djali i tyre nuk mund të dilte nga kufiri për shkak të moshës. Melnykov mbërriti në Ankara me gruan dhe 3 macet pas një udhëtimi 7-ditorë ku edhe mori pjesë në Panairin e Artit Bashkëkohor ArtAnkara.
Melnykov, pikturat e të cilit u ekspozuan në stendën e Fondacionit Pema e Shkencës, vendosi flamurin ukrainas përpara veprave të tij.
“Është shumë e vështirë të përshkruash atë që kemi përjetuar”
Artisti me origjinë ruse, Melnykov, është anëtar i Unionit Kombëtar të Artistëve të Ukrainës ndërsa veprat e tij janë ekspozuar në shumë galeri të famshme të artit. Në një prononcim për Anadolu Agency (AA), Melnykov tha se ata u detyruan të largohen nga shtëpitë e tyre dhe se është shumë e vështirë për të përshkruar atë që kanë përjetuar.
Duke thënë se e kishte të vështirë të besonte se çfarë po ndodhte në vendin e tij, Melnykov tha: “Kur filluan sulmet, ne ishim në zyrën time të artit në Kiev më 24 shkurt. Menduam se vendi aty do të ishte më i sigurt”.
Ai thotë se ata shkuan në strehimore pasi u rrit intensiviteti i sulmeve dhe se erdhën në Ankara me ftesë të miqve të tyre turq. “Rruga zgjati pak. Situata aktuale është e qartë. Prandaj, në vendin tonë ka kontroll në çdo hap. Na vonuan në kufi gati një ditë. Radha më e gjatë është për të shkuar në Rumani. Jemi shumë të lumtur që erdhëm këtu dhe pamë këtë organizim madhështor. U takuam me miqtë tanë të vjetër, artistët, piktorët”, tha Melnykov.
“Ne duam që ajo të përfundojë menjëherë”
Duke shprehur dhimbjen për situatën në vendin e tij dhe duke bërë thirrje për paqe, Melnykov tha: “Shpresojmë që këto sulme të përfundojnë menjëherë dhe të mos zgjasin shumë. Duam që këto lëvizje agresive të përfundojnë menjëherë”.
Melnykov tha se aktivitetet e tij artistike do të vazhdojë edhe për një kohë në Ankara.
Sipas tij, Panairi i Artit Bashkëkohor ArtAnkara është një organizim shumë i madh. “Dëshiroj të falënderoj ArtAnkara për bashkimin e njerëzve përmes artit. Ka shumë vizitorë, ata janë kureshtar dhe interesohen për stilin tim. Jam i lumtur që jam pjesë e këtij organizimi”, theksoi Melnykov.