Kryeministri britanik Boris Johnson tha të mërkurën se veprimet e presidentit rus Vladimir Putin në Ukrainë kualifikohen si krim lufte, raporton CNN, përcjell Gazeta Express.
“Ajo që ne kemi parë tashmë nga regjimi i Vladimir Putin në përdorimin e municioneve që ata tashmë i kanë hedhur mbi civilët e pafajshëm… sipas mendimit tim, [ajo] tashmë kualifikohet plotësisht si një krim lufte”, tha ai në parlamentin e e Mbretërisë së Bashkuar.
ohnson tha gjithashtu se Putini e ka “llogaritur keq” përgjigjen e Ukrainës.
“Në sulmin e tij të neveritshëm ndaj një kombi sovran, ai e ka nënvlerësuar forcën e jashtëzakonshme të popullit ukrainas dhe unitetin dhe vendosmërinë e botës së lirë për t’iu kundërvënë barbarisë së tij”, tha ai.
“Nëse Putini e shton forcën, do ta bëjmë edhe ne, duke e rritur më tej presionin ekonomik dhe duke e mbështetur Ukrainën me financa, armë dhe ndihmë humanitare”, shtoi Johnson, duke thënë se Mbretëria e Bashkuar “do të vazhdojë ta shtrëngojë lakun rreth regjimit të Putinit”.
“Putini duhet të dështojë në sipërmarrjen e tij”, tha Johnson. “Nuk kam dyshim se ai do të dështojë dhe se ne do të kemi sukses në mbrojtjen e Ukrainës”, shtoi ai.
