Ministri i Jashtëm, Mevlut Çavusoglu deklaroi se do të donin të organizonin një takim mes presidentit rus, Vladimir Putin dhe atij ukrainas Vladimir Zelenskiy për të arritur në një armëpushim.
Ministri i Jashtëm, Mevlut Çavusoglu deklaroi se do të donin të organizonin një takim mes presidentit rus, Vladimir Putin dhe atij ukrainas Vladimir Zelenskiy për të arritur në një armëpushim.
Mevlut Çavusoglu u takua me ministrin e Jashtëm rus, Sergey Lavrov në Moskë, kryeqytetin e Rusisë.
Të dy pas takimit dolën në një konferencë të përbashkët për shtyp.
Çavusoglu tha: “Ne kemi bërë përpjekje për të arritur një armëpushim (mes Rusisë dhe Ukrainës) dhe kemi bërë pjesën tonë për të ulur tensionin dhe për të hapur një hapësirë për diplomacinë. Ne duhet t’i japim fund tensionit në Ukrainë dhe të ndalojmë gjakderdhjen dhe lotët. Nuk mund të ketë fitues në luftëra dhe asnjë humbës në paqe.”
Ministri turk tha: “Edhe pse në situatë të vështirë, ne sollëm më shumë se 15 mijë qytetarë në vendin tonë. Është e vështirë për civilët të largohen nga Mariupoli sepse konfliktet vazhdojnë. Shpresoj që së shpejti të marrim një rezultat.”
Duke theksuar se do të donin të organizonin takimin mes Putinit dhe Zelenskiyt, Çavusoglu tha: “Shpresoj që të dy liderët të takohen për të bërë një marrëveshje.”
Kreu i diplomacisë turke tha gjithashtu se konfliktet e vazhdueshme e bëjnë të vështirë evakuimin e civilëve.
Duke shprehur se Turqia i qaset objektivisht luftës Rusi-Ukrainë, Lavrov tha: “Ne vlerësojmë dhe respektojmë qëndrimin e marrë nga Turqia, e cila përpiqet t’i qaset objektivisht rreziqeve që dalin nga kriza aktuale.”
Duke theksuar se nuk sheh asnjë pengesë për takimin mes Putinit dhe Zelenskiyt, Lavrov shtoi se Rusia është përpjekur që në fillim të ndihmojë në evakuimin e shtetasve turq.
Çavusoglu do të udhëtojë në Ukrainë pas kontakteve të tij në Moskë.
