Përzgjedhësi i Kosovës, Bernard Challandes, ka folur para ndeshjes me Spanjën, duke thënë se duhet të japin maksimumin që të marrim pikë.
Ai madje me shaka e tha se do të kërkojë nga FIFA, duke shtuar se ende nuk ka vendosur se me çfarë formacioni do të luajë nesër.
“Ende nuk kam vendosur për formacionin. Do kemi stërvitjen pas pak, do shoh futbollistët, pastaj do vendosi për formacionin bazë, kemi disa lojtarë që pësuan disa lëndime të lehta në ndeshjet e kaluara”.
“Përballja me Spanjën është e vështirë, e them me shaka nëse do varej nga unë do kërkoja nga FIFA që Spanja të mos luajë në grupe. Është kundërshtarë shumë i fortë. Loja e tyre ka kompontente, që është posedimi i topit dhe presioni i madh”.
“Ne do provojmë të japim më të mirën si çdo kush tjetër siç bëri Suedia që nuk e kishte posedimin, por ia doli t’i marrë tre pikët”
“Lojtarët duhet ta kuptojnë që do të luajnë kundër lojtarëve më të mirë në botë”.
“Me përballje me kundërshtarë si Spanja, nuk ka rëndësi si luajmë ne, pasi është e pamundur që ta kesh topin në posedime. Do të mundohemi gjatë ndeshjet të bëjmë aksione, të ndërrojmë, ndaj Spanjës kanë vështirës të gjithë. Nuk mund të them se do të jemi më ofenziv apo defanviz”, ka thënë Challandes.
Ndërkohë, përballja mes Kosovës dhe Spanjës zhvillohet nesër me fillim nga ora 20:45.
