Ka përfunduar ndeshja mes kampionit evropian Chelsea dhe skuadrës angleze Chesterfield, ku nikoqirët nuk kanë lënë vend për befasi dhe kanë siguruar kualifikimin tutje për në FA Cup.
Chelsea e ka mposhtur me rezultat të thellë 5:1 skuadrën e Chesterfield, me ndihmën e golave të shënuar nga Christensen, Lukaku, Werner, Hudson-Odoi dhe Ziyech, përcjell KosovaPress.
Fillimisht, ishte Werner ai i cili e zhbllokoi rezultatin i pari, ku shënon në minutën e 6’ për 1:0, kurse rezultatin në 2:0 e thelloi anësori Callum Hudson-Odoi në minutën e 18’.
Vetëm dy minuta më vonë, ylli belg Romelu Lukaku thellon epërsinë e Chelseat në 3:0, kurse golin e fundit për “Blutë” në pjesën e parë e shënoi mbrojtësi Christensen në minutën e 39’ të ndeshjes.
Pjesën e dytë, Chelsea e vazhdoi me gola, ku nga pika e bardhë sulmuesi anësorë Hakim Ziyech shënon për 5:0 në minutën e 55’.
Golin e nderit për Chesterfield dhe të fundit të ndeshjes e shënoi Asante në minutën e 80’.
Rezultati final i ndeshjes është 5:1 në favor të Chelseat.