Ministri i Punëve të Jashtme të Italisë, Luigi Di Maio, deklaroi të hënën se vendi i tij mbështet plotësisht përpjekjet ndërmjetësuese të Turqisë në luftën Rusi-Ukrainë.
Luigi Di Maio bëri vlerësime për shtypin italian mbi çështjet aktuale, veçanërisht për zhvillimet në luftën që Rusia filloi kundër Ukrainës më 24 shkurt (2022), pas takimit të Ministrave të Jashtëm të Bashkimit Evropian në kryeqytetin Bruksel të Belgjikës.
Shefi i diplomacisë italiane tha se imazhet nga Ukraina i shtyjnë ata të punojnë për paqen.
“Unë u takova me homologun tim turk, Mevlut Çavusoglu (një orë më parë). Ne diskutuam se si po shkojnë negociatat. Ne, si Itali, mbështesim plotësisht negociatat që Turqia ka çuar përpara. Turqia nuk është vetëm një aleat i NATO-s, por në këtë fazë është gjithashtu një vend i rëndësishëm për dialogun që synon të sjellë palët në një marrëveshje paqeje. Ne të gjithë po përpiqemi të mbështesim përpjekjet e tyre tani”, theksoi Di Maio mes të tjerash.
