Kosova dhe Serbia përmes delegacioneve të tyre sot dhe nesër do të zhvillojë takime në Bruksel. Këto takime do të bëhen me ndërmjetësimin e Bashkimit Evropian.
Sot pritet që delegacionet e të dyja shteteve të zhvillojnë takime me të dërguarin e posaçëm të BE-së për dialogun Kosovë-Serbi, Mirosllav Lajçak dhe ekipin e tij, ndërkaq më 8 shtator do të zhvillohet një takim ndërmjet dy delegacioneve, me ndërmjetësimin e bllokut evropian.
I dërguari i BE-së për dialogun Kosovë-Serbi, Miroslav Lajçak, tha se pret që të palët të gjejnë gjuhë të përbashkët.
“Sot dhe nesër, do të mbaj takime me delegacionet e Kosovës dhe Serbisë të udhëhequra nga Besnik Bislimi dhe Petar Petkoviq. Ka shumë çështje urgjente që duhet të diskutohen dhe unë pres që të gjendet gjuhë e përbashkët për të lëvizur përpara”, tha Lajçak.
Front Online ka kontaktuar ish-ministrin e Jashtëm të Kosovës se si e sheh vazhdimin e dialogut në këtë fazë.
Ai ka thënë se e përkrah dialogun pasi nuk kemi alternativë tjetër.
“Dialogu është i pa alternativë”, ka thënë ai për Front Online.
Pacolli më tutje është shprehur i bindur se dialogu do të përfundojë me njohje dhe se Kosovës do t’i hapet perspektiva zhvillimore.
“Dialogu duhet të vazhdojë dhe te përmbyllet shpejtë me njohjen nga Serbia. Unë jam i bindur që dialogu do te ketë sukses dhe Kosovës do t’i hapet perspektiva zhvillimore”, u shpreh Pacolli.
Takimi i fundit në nivelin e lartë është zhvilluar më 19 korrik, ku u takuan kryeministri i Kosovës, Albin Kurti dhe presidenti i Serbisë, Aleksandër Vuçiq por ai nuk ka prodhuar ndonjë rezultat konkret.
Kosovës dhe Serbisë, me ndërmjetësimin e BE-së, ka nisur më 2011. Ky proces thuhet se ka për qëllim normalizimin e plotë të marrëdhënieve mes dy vendeve.
