Këshilltari kryesor ligjor i Dioqezës së Rashkës dhe Prizrenit, avokati Aleksandar Radovanoviq thotë se pozita e Kishës Ortodokse Serbe në Kosovë po përkeqësohet, në një situatë që sipas tij ku nuk ka përfaqësues të bashkësisë ndërkombëtare për të garantuar të drejtat.
Radovanoviq thekson për Kosovo Online, transmeton Klankosova.tv se të drejtat, pronat dhe zonat e mbrojtura që kisha mori rreth faltoreve më të mëdha gjithnjë e më shumë po shënjestrohen nga ato institucione të Kosovës që duhet të mbrojnë ekzistencën e tyre.
“Në vitin 2012, ndërsa proceset për heqjen e të ashtuquajturës “pavarësi e mbikëqyrur” ishin duke u zhvilluar, Kisha Ortodokse Serbe mori garanci nga akterët ndërkombëtarë se asgjë nuk do të ndryshonte në Kosovë të paktën për sa i përket statusit të Kishës Ortodokse Serbe, asgjë nuk do të ndryshojë, vetëm se të drejtat tona tani e tutje do të mbrohen nga institucionet e Kosovës”, tha ai, transmeton Klankosova.tv.
