Më herët sot, presidenti rus Vladimir Putin iu drejtua dhjetëra mijëra rusëve, të grumbulluar në stadiumin Luzhniki të Moskës, në një tubim që festonte tetë vjetorin e aneksimit të Krimesë.
Shumë persona në hyrje të tubimit në Kremlin i thanë BBC-së se punonin në sektorin publik dhe se punëdhënësit e tyre i kishin bërë presion për të marrë pjesë.
Një burrë që punon në metronë e Moskës tha se ai dhe punonjësit e tjerë ishin detyruar të merrnin pjesë në tubim.
“Unë do të jem këtu për një kohë dhe pastaj do të largohem… Mendoj se shumica e njerëzve këtu nuk e mbështesin luftën. Unë jo,” tha ai.
Shumë njerëz nuk donin të filmoheshin ose t’u përgjigjeshin pyetjeve.
Studentët thanë se u ishte dhënë mundësia e një dite pushimi nga leksionet nëse merrnin pjesë në një koncert.
Disa nga studentët nuk e dinin as që ngjarja ishte dedikuar pjesërisht për të mbështetur luftën në Ukrainë.
Pati pa dyshim disa njerëz të pranishëm që e mbështesin me të vërtetë Presidentin Putin dhe “operacionin special ushtarak në Ukrainë”, siç preferon ta quajë Kremlini.