Në ditën e dymbëdhjetë të bllokadës, situata është e qetë në të dy pikat kufitare në Jarinjë dhe Bërnjak, që lidhin Kosovën dhe Serbinë.
Serbët për të kundërshtuar vendimin për reciprocitet në targa, vendosën barrikada të shumta në rrugët që çojnë drejt pjesës kufitare në Bërnjak dhe Jarinje, duke i lënë të bllokuar këto dy pika kufitare tash e dymbëdhjetë ditë.
Ata kanë vazhduar të qëndrojnë edhe gjatë natës së mbrëmshme në këto dy pika kufitare, ku situata aktualisht vazhdon të jetë e qetë.
Gjatë ditës së djeshme, është arritur një marrëveshje për targat mes Serbisë e Kosovës në Bruksel.
Sipas marrëveshjes forcat e njësisë speciale të Policisë së Kosovës të vendosura në Jarinjë e Bërnjak, do të largohen njëkohësisht me bllokadat në rrugë, më 2 tetor në orën 8:00 dhe gjithë kjo tërheqje do të përfundojë maksimalisht deri në orën 16:00..
