Novi Pazari është mbështjellë sot në të zeza për shkak të një aksidenti trafiku që ka ndodhur mbrëmë në rrugën kryesore Novi Pazar – Ribariq, në qytetin e Lukares, ku kanë humbur jetën katër të rinj.
Nga përplasja kanë mbetur të lënduar edhe dy persona të tjerë dhe njëri prej tyre është një 56-vjeçare, e cila ndodhet në dhomën e shokut të Spitalit të Përgjithshëm Novi Pazar. Përplasja ka ndodhur pasi të rinjtë kanë humbur kontrollin e njërit automjet dhe janë përplasur me një automjet nga ana e kundërt.
Të katër djemtë nga Novi Pazari ishin në një veturë Golf, ndërsa dy të plagosur në një automjet tjetër Polo Plus. Automjeti në të cilin ndodheshin të rinjtë e vdekur ishte duke lëvizur në rrugën kryesore për në Mal të Zi, me targa të Kraljevës.
Për momentin nuk ka asnjë informacion zyrtar, por sipas informacioneve jozyrtare, aksidenti ka ndodhur për shkak të rrëshqitjes së rrugës dhe shpejtësisë së parregulluar, përcjell Nova.rs.
Në vendin e aksidentit kanë dalë patrullat e policisë së Novi Pazarit, si dhe pjesëtarët e zjarrfikësve dhe shërbimit emergjent nga Novi Pazari.
Të rinj të moshës 22, 23 dhe dy 20 vjeç u vranë. Bëhet fjalë për Amel Ibrahimoviq, Amar Ujkanoviq, Senad Djerlek dhe Mitko Hamidovic, transmeton sot Sanxhak.
