Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell, ka folur për dialogun Kosovë-Serbi, ndërsa e ka pranuar se ka ngecje, dhe që nuk po ecën. Por duke theksuar tutje se e vetmja zgjidhje dhe perspektiva europiane e dy vendeve është dialogu, transmeton Gazeta Metro.
Duke folur për ndikimin rus në Ballkan, Borrell tha se influenca ruse në rajonin e Ballkanit Perëndimor është e madhe, por që shpreson që evropianët të dominojnë.
“Shumë influencë ruse. Shpresoj që influenca evropiane të jetë më e madhe”, tha Borrell për
DW.
Berrell përderisa ka folur për procesin e dialogut, e ka pranuar se ka ngecje në dialog, duke thënë se nuk po ecën me ritmin e duhur.
Gjithashtu ka theksuar se duhet që të dy palët të shtyjmë me qëllim që të kuptojnë se ka vetëm një zgjidhje për problemin dhe se ajo vjen përmes dialogut dhe se Bashkimi Evropian ka një mandat nga Kombet e Bashkuara për të koordinuar, shtyrë dhe aktivizuar këtë dialog.
Borrell e bën të qartë se perspektiva evropiane e dy vendeve varet nga rezultati i dialogut.
” Nuk po ecën. Unë jam i ngarkuar me këtë dialog dhe nuk po ecën. Të paktën nuk po ecën me ritmin që duhet të ecte. Bashkimi Evropian ka një mandat nga Kombet e Bashkuara për të koordinuar, shtyrë dhe aktivizuar këtë dialog. Unë kam caktuar një nga diplomatët më të mirë për këtë detyrë, dhe duhet të them që duhet bërë më shumë, duhet më shumë punë. Duhet të shtyjmë të dyja palët me qëllim që të kuptojnë se ka vetëm një zgjidhje për problemin dhe se ajo vjen përmes dialogut, duke e ditur ama që nuk do të jetë e lehtë. Është çështje shumë e komplikuar. Ju e dini sa e vështirë dhe e komplikuar ka qenë historia e Ballkanit gjatë 20 apo 30 viteve të shkuara. Por e vetmja zgjidhje e këtij problemi është dialogu, dhe unë këtë po nxis, por jam i zhgënjyer që nuk po ecim me ritmin që kërkon problemi, sepse perspektiva evropiane e të dy vendeve po mbizotërohet plotësisht nga rezultati i këtij dialogu.”, tha Borrell.