Edhe Vuciq përfshihet në rastin e helmimeve në Deçan, thotë se po i analizojnë disa pamje

Serbia's President Aleksandar Vucic listens during the opening opening of the Political Symposium at the European Forum Alpbach 2018 on August 25, 2018 in Alpbach, Austria. (Photo by HERBERT NEUBAUER / APA / AFP) / Austria OUT (Photo credit should read HERBERT NEUBAUER/AFP/Getty Images)

Presidenti i Serbisë, Aleksandar Vuçiq, është përfshirë gjithashtu në diskutimin e hipotezave lidhur me helmimin e mbi 1500 qytetarëve të Deçan.

Ai ka thënë se e kanë analizuar praninë e dy serbëve diku rreth burimit të ujit në Deçan, i cili u dyshua të jetë shkaku i helmimeve, transmeton Gazeta Express.

“Ne kemi një analizë të lëvizjes së automjetit me targa Novi Sadit, ata nuk ishin as 500 metra nga burimi i ujit. Ne po presim të shohim se çfarë do të thonë. Ne po presim, po dëgjojmë”, tha Vuçiq, duke u përgjigjur pyetjet e gazetarëve, raporton B92.

Mbi 1.500 banorë të fshatrave të Deçanit kanë kërkuar ndihmë mjekësore, duke shfaqur simptoma të helmimit.

Uji i pijes ishte dyshimi i parë për helmimin e tyre, por analizat fillestare të Institutit Kombëtar të Shëndetësisë Publike të Kosovës (IKSHPK) nxorën se uji nuk është burimi i helmimit.

Ministri i Shëndetësisë, Arben Vitia tha dje se disa mostra të ujit do të dërgohen jashtë vendit për analiza më të thella.

Kategoritë
LajmeRajoni