Kryeministri i Shqipërisë, Edi Rama, ka vazhduar talljet dhe shprehjen e arrogancës ndaj qytetarëve të republikës ku qeverisë vetë, shkruan Express.
Një video e cila është bërë virale në internet, paraqet kryeministrin shqiptar derisa tallet me qytetarët dhe ua ofendon inteligjencën.
Në video shihet një qytetar i cili e përshëndet Ramën duke i thënë se ndihet i nderuar për vizitën që po ua bën kryeministri, edhe pse ka tjetër qëndrim politik.
“Ne kemi qenë gjithmonë krah politik i djathë, ti na ke bërë nder…”, filloi të thotë qytetari.
Ndërkohë që Rama i ndërhyri po aty duke mos e lënë qytetarin të vazhdojë tutje. Sikur kjo të mos mjaftonte, Rama filloi të tallet dhe ta ofendojë qytetarin.
“Po çka deshe djathtas ti…? Ku e di ti çka është e djathta e e majta? Ti djathtën dhe të majtën di vetëm këmbën e futbollit se këto…”, filloi talljen kryeministri Rama.
Kjo nuk është hera e parë që Rama tallet me qytetarët. Skena të tilla madje ka bërë edhe me gazetarët.
Video të ngjashme janë bërë virale edhe më parë. Një e tillë ishte filmuar pak pas tërmetit famëkeq në Durrës vitin e kaluar.
Derisa një qytetar donte të shprehte ankesën e tij, Rama fillon talljen me hallin e qytetarit