Presidenti Recep Tayyip Erdogan deklaroi se Turqia është ekonomia e dytë me rritjen më të shpejtë në botë, përkatësisht me 21.7 për qind në tremujorin e dytë të vitit.
Presidenti Erdogan mbajti një fjalim në ceremoninë e Diplomimit të Oficerëve dhe nënoficerëve të Akademisë së Xhandarmërisë dhe Rojës Bregdetare në kryeqytetin Ankara.
Duke theksuar në fjalimin e tij se ata vazhduan rrugën e tyre duke u forcuar me mjete ajrore të armatosura dhe pa armë të prodhuara në vend, Erdogan tha: “Tani, ne kemi rritur shtrirjen e industrisë sonë të mbrojtjes nga 20 për qind në 80 për qind. Ne u bëmë një nga 3 vendet kryesore në botë në prodhimin e mjeteve ajrore pa pilot.”
Duke u shprehur se me operacionet e kryera brenda dhe jashtë vendit ata e kanë bërë organizatën separatiste terroriste PKK të paaftë për të lëvizur, Erdogan tha: “Ne i gjejmë terroristët në strofkat e tyre dhe i asgjësojmë ata. Ne kemi bërë që pjesëmarrja në organizatën terroriste të arrijë në nivelin më të ulët. Së bashku me vëllezërit tanë, ne kemi arritur shumë suksese në Karabakun Malor dhe Libi. Ne i treguam të gjithë botës se çfarë shteti i madh jemi duke hapur krahët dhe duke përqafuar popujt e shtypur.”
Duke deklaruar se shifra e rritjes së tremujorit të dytë të publikuara nga Instituti i Statistikave të Turqisë (TUIK/TurkStat) dëshmojnë edhe një herë dinamizmin, fuqinë prodhuese dhe elasticitetin e ekonomisë turke, kreu i qeverisë turke tha: “Turqia u bë ekonomia e dytë me rritjen më të shpejtë në botë me 21.7 për qind në tremujorin e dytë të vitit”, dhe shtoi se ata janë të vendosur ta bëjnë Turqinë qendrën e investimeve, prodhimit dhe eksportit.
