Flet Shkëlqimi, vëllau i Donjeta Pajazitajt: Do hiqnim dorë nga ndjekja penale e Naserit, nëse do tregonte më kë e ka kryer vrasjen

Vëllau i Donjetës, Shkëlqim Pajazitaj, pas vendimit të Gjykatës Themelore ku i dyshuari për vrasjen e motrës së tij, Naser Pajazitaj u dënua me burgim të përjetshëm, ka folur para mediave.

Ai tha se familja ka qenë në gjendje të heq dorë nga ndjekja penale ndaj Naserit nëse ishte kuptuar se me kë e kreu vrasjen ai.

Shkëlqim Pajazitaj tha se motra e tij, Donjeta, ishte shoqe e ngushtë me vajzën e të dyshuarit për 13 vite.

“U kan vendim i pritur, e kemi pritur qe sa, drejtësia vendosi në mënyrë të drejtë, edhe pse nuk u zbulua ndonjë arsyje dhe ndonjë bashkëpuntor i mundshëm. Ishëm kan në gjendje me hjek dorë nga ndjekja penale veç me ditë kush u kan me ta, edhe të gjithë e njohim Naserin dhe ai vetëm s’ka mujt me kry këtë punë, veç me dit kush u kon me to se nashta ka njerëz hale si ai që vijnë në shtëpi te na, si Naseri që ka hi 6 javë mrena te na.

Pe lypim motivin, për çka e ka bo, kemi pas hyrje dalje me to. 13 vjet Donjeta u kan shoqe e ngushtë me qikën e tij, nuk e di pse e ka shty atë me bë këtë vepër.

Letra që u shpërnda për dhunim ka mundur me qenë shpifje, edhe për atë e ka marrë dënimin.

Do të vazhdojmë me mundësi tona deri në fund nëse rikthehet në gjykim rasti”, tha ai./IndeksOnline/

Kategoritë
LajmeVendi

Të ngjajshmet