Gati 48,7 milionë votues të regjistruar do të kenë të drejtë për të votuar për një nga 12 kandidatët.
Qendrat e votimit në gjithë Francën kontinentale hapën dyert e tyre për votuesit në orën 8:00 të mëngjesit me orën lokale për raundin e parë të zgjedhjeve presidenciale.
Shumica e qendrave të votimit do të mbyllen në orën 19:00, me përjashtim të qyteteve të mëdha si Paris, Lyon, Bordeaux, Strasbourg, Nice dhe Marseilles, ku vendvotimet do të qëndrojnë të hapura deri në orën 20:00.
Gati 48,7 milionë votues të regjistruar do të kenë të drejtë për të votuar për një nga 12 kandidatët. Rezultatet paraprake do të fillojnë të rrjedhin nga ora 20:00, kur mbaron votimi.
Dy kandidatët me më shumë vota do të kalojnë në raundin e dytë që do të mbahet më 24 prill.
Për të siguruar pjesëmarrjen maksimale, qeveria ka zbutur masat e pandemisë. Ata që kanë rezultuar pozitivë një javë më parë mund të hedhin votën e tyre në qendrën e votimit, së bashku me rastet e kontaktit, duke përdorur maskë.
Nuk do të ketë kërkesë për leje vaksinimi dhe maskat nuk janë të detyrueshme, megjithëse rekomandohet përdorimi i tyre.
Në territoret jashtë shtetit, ku tashmë po zhvillohej votimi, përqindja e pjesëmarrjes ka qenë e ulët deri tani. Gati 37,08 për qind e njerëzve kishin votuar në Guadelupe, 34,6 për qind në Guajana, 35,1 për qind në Martinikë, 44,4 për qind në St-Pierre-et-Miquelon dhe 12,34 për qind në Polinezi, sipas të dhënave zyrtare, raportoi BFMTV news.
Ka një përqindje jashtëzakonisht të madhe abstenimi, ku më shumë se gjysma e votuesve me të drejtë vote po qëndrojnë larg votimit për një president në Paris, mijëra milje larg territoreve të tyre.
Sondazhet e opinionit kanë parashikuar se presidenti aktual Emmanuel Macron i partisë Republika në Lëvizje, Marine Le Pen e Frontit Kombëtar të krahut të djathtë dhe Jean-Luc Melenchon i partisë së krahut të majtë Franca e Panënshtruar, do të jenë tre kandidatët kryesorë në raundin e parë.
