Instituti Robert Koch (RKI), agjencia e kontrollit të sëmundjeve të vendit, konfirmoi 294.931 raste të reja me COVID-19, shkalla më e lartë e regjistruar që nga fillimi i pandemisë në fillim të vitit 2020.
Gjermania sot ka raportuar një numër rekord të rasteve ditore të koronavirusit të ri (COVID-19) me afër 300.000 infeksione të reja.
Instituti Robert Koch (RKI), agjencia e kontrollit të sëmundjeve të vendit, konfirmoi 294.931 raste të reja me COVID-19, shkalla më e lartë e regjistruar që nga fillimi i pandemisë në fillim të vitit 2020.
Autoritetet shëndetësore të enjten raportuan 278 vdekje të lidhura me koronavirusin, nga 259 vdekje në të njëjtën ditë javën e kaluar.
Ekspertët po paralajmërojnë se trendi në rritje i rasteve të reja mund të nënkuptojë se vendi mund të jetë duke shkuar drejt një vale të re të virusit.
Sipas RKI-së, lehtësimi i masave muajin e kaluar dhe përhapja e nënvariantit BA.2 shumë ngjitës Omicron ishin faktorët kryesorë që nxitën rritjen e rasteve.
Nëntipi i ri, i cili është më i transmetueshëm se lloji fillestar i Omicron BA.1, tani përbën më shumë se 48 për qind të rasteve të koronavirusit në vend.
Pavarësisht rritjes së infeksioneve, shumica e rasteve të reja kanë qenë të lehta deri më tani, duke mos kërkuar shtrimin në spital.
Sipas ekspertëve, mbulimi i lartë i vaksinimit të Gjermanisë tek të moshuarit ka qenë efektiv në parandalimin e shtrimit në spital të lidhur me COVID, pavarësisht rritjes së re të infeksioneve.
Gati 89 për qind e personave të moshës 60-vjeç e lart janë të vaksinuar plotësisht dhe 78 për qind e tyre kanë marrë gjithashtu një dozë përforcuese, sipas shifrave të fundit.
Por megjithatë, më shumë se 2 milionë njerëz në këtë grupmoshë janë të pavaksinuar dhe është një shqetësim i madh për autoritetet shëndetësore.