Gjermania ka mundësi të përballet me një mungesë të vaksinave të koronavirusit të paktën deri në prill, ka paralajmëruar ministri i shëndetësisë së vendit.
“Ne do të kemi të paktën 10 javë të vështira me një mungesë te vaksinave”, shkroi Jens Spahn në Tëitter.
Ritmi i përdorimit të vaksinave në Gjermani është kritikuar dhe ajo nuk ka arritur të përmbushë objektivin e saj të përditshëm të vaksinimeve.
Komentet e Spahn vijnë në mes të një mosmarrëveshje midis BE dhe prodhuesit të vaksinave AstraZeneca rreth mungesave të furnizimit.
Kompania me qendër në Mbretërinë e Bashkuar ka thënë që çështjet e prodhimit në impiantet e saj me qendër në Evropë, do të thotë se nuk do të jetë në gjendje të japin numrin e premtuar të dozave në bllokun me 27 anëtarë.
Spahn bëri thirrje për një samit vaksinimi që përfshin kompani farmaceutike, prodhues dhe politikanë për të eksploruar se si mund të përshpejtohet përhapja.
“Atëherë do të shohim … ku mund të mbështesim industrinë, ne po kalojmë të paktën 10 javë të vështira. Ne duhet ta kalojmë atë duke punuar së bashku” tha ai.
