Në një deklaratë nga lëvizja raciste thuhet se në mbarë vendin do të mbahen aktivitete me skarë përpara xhamive në 12 qytete dhe se për aktivitetet kanë aplikuar për leje në 5 bashki.
Lëvizja Evropianët Patriotikë Kundër Islamizimit të Perëndimit (PEGIDA) e cila është kundër Islamit dhe emigrantëve do të mbajë në Holandë aktivitete me skarë përpara xhamive në orët e iftarit në muajin e Ramazanit.
Në një deklaratë nga lëvizja raciste thuhet se në mbarë vendin do të mbahen aktivitete me skarë përpara xhamive në 12 qytete dhe se për aktivitetet kanë aplikuar për leje në 5 bashki.
PEGIDA ka mbrojtur idenë e saj se protestat e tyre nuk janë lejuar prej dy vitesh për shkak të COVID-19 dhe se nuk ka ndonjë pengesë për aktivitetet e tyre që i kanë emërtuar “Ramadan Barbecue Tour”.
Lëvizja edhe në vitet e mëparshme ka planifikuar aktivitete me skarë përpara xhamive në muajin e Ramazanit, por në disa qytete bashkitë nuk i kanë lejuar këto veprime dhe disa të tjera u anuluan si rezultat i reagimeve.
– Lëvizja PEGIDA
PEGIDA protestën e parë të saj e zhvilloi më 20 tetor 2014 në qytetin Dresden të Gjermanisë, ku në këtë protestë që pretendohet se u organizua përmes rrjeteve sociale nga 12 persona morën pjesë 350 persona.
Numri i pjesëmarrësve në demonstratat e mbajtura të hënave u rrit vazhdimisht dhe arriti në 25 mijë në mesin e janarit 2015. Por, më pas pjesëmarrja në këto protesta u pakësua.
PEGIDA u bë burim frymëzim për grupet ksenofobike jashtë Gjermanisë dhe në qytete të tjera të vendit.
