Uncidenti ndodhi rreth orës 8:10 të mëngjesit sipas orës lokale kur avioni, i cili ishte nisur nga baza ajrore Shahid Babaei në Isfahan, u rrëzua në Anarak, gati 200 kilometra në lindje të qytetit Isfahan
Dy pilotë kanë humbur jetën sot, kur një avion luftarak F-7 u rrëzua pranë provincës Isfahan në Iranin qendror, bëjnë të ditur mediat shtetërore, transmeton Anadolu Agency (AA).
Incidenti ndodhi rreth orës 8:10 të mëngjesit sipas orës lokale kur avioni, i cili ishte nisur nga baza ajrore Shahid Babaei në Isfahan, u rrëzua në Anarak, gati 200 kilometra në lindje të qytetit Isfahan.
Raportohet se avioni ishte në një mision stërvitor në Anarak, i cili bie në qarkun Nain të provincës Isfahan.
Dy pilotët në bordin e avionit, të identifikuar si major Qassem Zamani dhe toger i parë Mohammad Javad, humbën jetën në përplasje, konfirmuan zyrtarët.
Agjencitë gjysmë zyrtare të lajmeve ISNA dhe Tasnim cituan zyrtarë ushtarakë të kenë thënë se shkaku i rrëzimit ishte një “defekt teknik” në avionin luftarak.
AA nga burime mësoi se është kërkuar hetim për ngjarjen.
Irani është përballur me cilësinë e dobët të ajrit në javët e fundit, gjë që ka detyruar mbylljen e shkollave, universiteteve dhe zyrave qeveritare në shumë provinca, përfshirë Teheranin dhe Isfahanin.