“Kam nënshkruar një marrëveshje tatimore me Obaid Humaid al-Tayer, ministrin e Financave të Emirateve të Bashkuara Arabe”, shkroi në Twitter ministri izraelit i Financave, Izrael Katz
Izraeli sot njoftoi se ka nënshkruar marrëveshje të përbashkët taksimi me Emiratet e Bashkuara Arabe (EBA) si pjesë e përpjekjeve për të rritur bashkëpunimin e tyre ekonomik dhe tregtar, transmeton Anadolu Agency (AA).
“Kam nënshkruar një marrëveshje tatimore me Obaid Humaid al-Tayer, ministrin e Financave të Emirateve të Bashkuara Arabe”, shkroi në Twitter ministri izraelit i Financave, Izrael Katz.
Ai e përshkroi marrëveshjen si historike “që do të përmirësojë zhvillimin e marrëdhënieve ekonomike midis dy vendeve”.
Marrëveshja e taksave u nënshkrua gjatë një takimi online midis dy ministrave siç tregohet nga një fotografi të lëshuar nga Katz në llogarinë e tij në Twitter.
Në tetor, Izraeli dhe EBA-ja arritën marrëveshje për të shmangur taksimin e dyfishtë së bashku me nënshkrimin e marrëveshjeve të tjera dypalëshe për të inkurajuar investimet midis dy vendeve.
Nuk ka asnjë prononcim nga autoritetet e Emirateve mbi këtë zhvillim.
