Kinë, tre ditët e fundit nuk regjistrohet asnjë “rast i brendshëm” i koronavirusit

Duke theksuar se numri i “rasteve të importuara” është rritur në 269, Komisioni Kombëtar të Shëndetit tha se 41 rastet e reja të regjistruar të enjten u zbuluan tek pasagjerët që vinin nga jashtë vendit.

Komisioni Kombëtar i Shëndetit në Kinë ka bërë të ditur se tre ditëve të fundit nuk është regjistruar asnjë “rast i brendshëm” i koronavirusit të ri (COVID-19).

Duke theksuar se numri i “rasteve të importuara” është rritur në 269, Komisioni Kombëtar i Shëndetit tha se 41 rastet e reja të regjistruar që nga e enjtja u zbuluan tek pasagjerët që vinin nga jashtë vendit.

Në Wuhan hiqen pikat e kontrollit COVID-19 

Pasi që “raste të brendshme” nuk janë regjistruar, mediat lokale raportojnë se zyrtarët kinezë kanë filluar të largojnë pikat e kontrollit COVID-19 në Wuhan, ku për herë të parë u shfaq koronavirusi dhjetorin e kaluar.

Disa banorë festuan këtë veprim me fishekzjarre dhe disa janë të dyshimtë për besueshmërinë e numrit të rasteve.

Që nga e premte, koronavirusi mori shtatë jetë 

Që nga e premtja shtatë pacientë kanë vdekur shkaku i koronavirusit, duke e çuar numrin e përgjithshëm të vdekjeve në Kinë në 3.255. Zyrtarët e shëndetësisë thanë se dy nga këto vdekje u raportuan në Wuhan.

Numri i përgjithshëm i rasteve të konfirmuara në Kinë ka arritur në 81.304.

Kina më 23 janar imponoi një mbyllje në Wuhan për të luftuar përhapjen e koronavirusit, por ai u përhap në të paktën 167 vende dhe rajone.

Organizata Botërore e Shëndetësisë (OBSH) shpalli shpërthimin një pandemi.

Sipas Universitetit John Hopkins me qendër në Maryland, numri i rasteve të konfirmuara në mbarë botën ka tejkaluar shifrën 303 mijë, ndërsa numri i vdekjeve është afër 13 mijë. Por mbi 91.500 pacientë janë shëruar.

Kategoritë
BotaLajme