KQZ mblidhet sot, diskutohet dënimi i NISMA-s, partia e Limajt rrezikon zgjedhjet

Sot do të mblidhet Komisioni Qendror i Zgjedhjeve, ndërkaq në rend të ditës janë pesë pika për diskutim. Ndërkaq në mesin e tyre është edhe shqyrtimi dhe miratimi i rekomandimit për gjobitjen e partisë Nisma Socialdemokrate, raporton Express

Në njoftimin e KQZ-së bëhet e ditur se mbledhja do të fillojë në orën 11:00.Në mbledhjen e sotme do të shqyrtohet rekomandimi për caktimin e shpenzimeve të fushatës për zgjedhjet lokale që do të mbahen më 17 tetor.

Po ashtu, në rend të ditës është edhe shqyrtimi dhe miratimi i rekomandimit për shqiptim të gjobës për partinë politike Nisma Socialdemokrate.

Express mëson se arsyeja e shqiptimit të gjobës ndaj partisë Nisma Socialdemokrate është se kjo parti nuk e ka informuar KQZ-në për mbajtjen e Kuvendit zgjedhor. Për këtë shkak, kjo parti do të pezullohet dhe do t’i shqiptohet gjobë mandatorë 350 euro.

Kjo parti obligohet që brenda afatit 5-ditor të dërgojë në KQZ kopjet e Kuvendit zgjedhor dhe formularin gjegjës, si dhe ta paguajë gjobën e shqiptuar, në të kundërtën, nuk do të marrë asnjë financim publik dhe nuk do të certidikohet nga KQZ-ja për të marrë pjesë në zgjedhje.

Ky është rendi i ditës së mbledhjes së KQZ-së:

1. Hyrje: z. Kreshnik Radoniqi, Kryesues i mbledhjes së KQZ-së:

2. Aktivitetet e ZRPPC së:

–        Shqyrtimi dhe miratimi i rekomandimit për caktimin lartësisë së Shpenzimeve të Fushatës për zgjedhjet lokale 2021.

–        Shqyrtimi dhe miratimi i rekomandimit për shqiptim të gjobës për partinë politike Nisma Socialdemokrate.

3 .   Shqyrtimi dhe miratimi i vendimit për zgjatjen e orarit të punës për anëtarët e KQZ-së dhe stafin e SKQZ-së për zgjedhjet lokale 2021;

4.  Plotësimi dhe ndryshimi i përbërjes së Këshillit për Marrëdhënie me Jashtë;

5. Të ndryshme;

Kategoritë
LajmeLajmet KryesoreVendi