Në mbledhjen e pestë të Komisionit Qendror të Zgjedhjeve, u tha se do të jenë të hapura gjithsej 888 vendvotime në ditën e zgjedhjeve, më 14 shkurt, raporton Ekonomia Online.
Kryeshefi ekzekutiv i SKQZ-së, Yll Buleshkaj, tha se kanë filluar pranimi i kërkesave për certifikimin e vëshguesve të zgjedhjeve.
“E para kemi pranuar të gjitha raportet financiare të partive politike nga fushata për zgjedhjet në Komunën e Podujevës dhe Mitrovicës së Veriut. Dhe e dyta kemi filluar të pranojmë kërkesa për cërtifikim për vëshzues të zgjedhjeve”, ka thënë ai.
Anëtari i KQZ-së i emëruar nga Lëvizja Vetëvendosje, Alim Rama ka propozuar që disa qendra që janë shumë afër njëra-tjetrës të bashkohën në një vend.
KQZ-ja miratoi listën e qendrave të votimit në të cilat do të zhvillohet procesi i votimit më 14 shkurt. Pra do të jenë gjithsej 888 vendvotime që do të hapen në ditën e zgjedhjeve.
“Janë gjithsej 888 qendra të vendvotimeve në krejt Kosovën”, ka thënë kryetarja e KQZ-së Valdete Daka e cila po ashtu ka kërkuar verifikim final dhe të njoftohen të gjithë votuesit për këto qendra.
Alim Rama ka thënë se plani operacional i sigurisë është standart në bashkëpunim me institucionet e Kosovës i ngjajshëm më atë qe ishte në zgjedhet e mbajtura në Podujevë e Mitrovicë të Veriut.
Daka ka pyetur nëse janë të përfshira edhe masat anti Covid jo vetëm në zgjedhje por edhe për fushatë, ndërsa, Rama ka tregur se janë të përfshira.
