Sipas deklaratës së kryesisë së kuvendit turk, Şentop u ka dërguar letra ngushëllimi presidentit të Maqedonisë së Veriut, kryeministrit dhe homologut të tij për viktimat e aksidentit që ndodhi në Bullgari
Kryetari i Asamblesë së Madhe Kombëtare të Turqisë, Mustafa Şentop, ua ka përcjellë ngushëllimet e tij presidentit të Maqedonisë së Veriut, Stevo Pendarovski, kryeministrit Zoran Zaev dhe kryetarit të Kuvendit Talat Xhaferi për qytetarët e Maqedonisë së Veriut që humbën jetën në aksidentin e autobusit dje në afërsi të Sofjes, transmeton Anadolu Agency (AA).
Sipas deklaratës së kryesisë së kuvendit turk, Şentop u ka dërguar letra ngushëllimi presidentit të Maqedonisë së Veriut, kryeministrit dhe homologut të tij për viktimat e aksidentit që ndodhi në Bullgari.
Në letrat e tij, Şentop ka thënë se me dhimbje të thellë mësoi për vdekjen tragjike të shumë njerëzve dhe lëndimin e disa të tjerëve nga aksidenti i autobusit të pasagjerëve që transportonte shtetas të Maqedonisë së Veriut.
Şentop në emër të tij dhe të anëtarëve të parlamentit turk ka shprehur ngushëllimet e tij për Pendarovskin, Zaevin dhe Xhaferin, popullin e Maqedonisë së Veriut, si dhe familjet e të vdekurve, ndërsa të lënduarve u ka uruar shërim të shpejtë.