Kuvendi miraton Projektligjin për zyrtarët publikë

Deputetët e Kuvendit të Kosovës kanë miratuar sot në lexim të parë Projektligjin për plotësim-ndryshimin e Ligjit për zyrtarët publikë.

I njëjti ka qëllim ndryshimin e nenit 22 që i jep mundësinë personelit akademik të universiteteve publike të vijojnë me procedurat për marrjen e gradave akademike edhe pasi zgjidhen deputetë.

Paraprakisht deputetët miratuan shmangie të afateve të parapara nga rregullorja e Kuvendit për miratimin e këtij projektligji.

Ndryshe, projektligji është iniciuar nga shefja e grupit parlamentar të Lëvizjes Vetëvendosje Mimoza Kusari Lila dhe është përkrahur edhe nga disa deputetë të partive opozitare.

Kategoritë
LajmeVendi