Një aksident i rëndë trafiku ndodhi mbrëmë në rrugën Pejë-Prishtinë, saktësisht në Klinë.
Si pasojë e këtij aksidenti humbi jetën një i ri nga fshati Caravik në Klinë.
I riu që humbi jetën si pasojë e këtij aksidenti është Endrit Dakaj, transmeton lajmi.net.
Për vdekjen e Dakajt ka shkruar edhe i pari i komunës së Klinës, Zenun Elezaj. Elezaj ka ngushëlluar familjarët dhe miqtë e Endrit Dakajt.
“Shumë i dhimbshëm lajmi për vdekjen e të riut nga Caraviku i Klinës, Endrit Dakaj, i cili ka ndërruar jetë si pasojë e një aksidenti në komunikacion, të ndodhur mbrëmë në fshatin Grabanicë.Familjes Dakaj, miqve e shokëve të Endritit ju shpreh ngushëllimet më të sinqerta!”, shkroi ai.
Ndërsa nga Policia e Kosovës kanë njoftuar se përpos viktimës në këtë rast janë lënduar edhe tri femra.
“Fsh.Grabanicë, Klinë, 19.04.2021-21:15. Raportohet se i dyshuari mashkull kosovar gjersa ka qenë duke drejtuar veturën e tij me targa vendore, duke mos ju përshtat kushteve të rrugës ka humbë kontrollin dhe ka godit një veturë po ashtu me targa vendore që e drejtonte një femër kosovare. Si pasojë e aksidentit në vendngjarje vdes i dyshuari ndërsa lëndime trupore kanë pësuar tri femra kosovare. Në vendngjarje ka dal njësitet përkatëse dhe prokurori”.
