Lidhja Demokratike e Kosovës ka zyrtarizuar emrat edhe të 10 kandidatëve për kryetarë të komunave, të cilët do të garojnë në zgjedhjet lokale, që do të mbahen më 17 tetor.
Përmes një komunikate për medie, nga LDK-ja kanë bërë të ditur se vendimi është marrë në mbledhjen e sotme të kryesisë së partisë.
Ndër kandidatët e zyrtarizuar, është edhe Hyrie Dobrunaj, kandidate për kryetare të Komunës së Deçanit
“Në mbledhjen e mbajtur sot, Kryesia e LDK-së vendosi që:
– Lutfi Haziri të jetë kandidat për kryetar të Komunës së Gjilanit;
– Anton Quni – kandidat për kryetar të Komunës së Prizrenit;
– Ilir Ferati – kandidat për kryetar të Komunës së Istogut;
– Hyrie Dobrunaj – kandidate për kryetare të Komunës së Deçanit;
– Burim Krasniqi – kandidat për kryetar të Komunës së Rahovecit;
– Besim Hoti – kandidat për kryetar të Komunës së Klinës;
– Bajrush Hoti – kandidat për kryetar të Komunës së Malishevës;
– Bexhet Xheladini – kandidat për kryetar të Komunës së Dragashit;
– Jeton Biqkaj – kandidat për kryetar të Komunës së Kamenicës;
– Ruzhdi Shehu – kandidat për kryetar të Komunës së Junikut”, thuhet në komunikatë.
Po ashtu, bëhet e ditur se “Përveç zyrtarizimit të kandidaturave, Kryesia e LDK-së ka marrë vendim për formimin e të gjitha shtabeve zgjedhore të Degëve dhe të Nëndegëve me qëllim të organizimit sa më të mirë të këtij procesi”.
Ndryshe, LDK-ja në fillim të qershorit kishte zyrtarizuar edhe tetë kandidat për kryetarë të komunave.
Kandidat për kryetar të Komunës së Prishtinës, Përparim Rama;
Kandidat për kryetar të Komunës së Podujevës, Ekrem Hyseni;
Kandidat për kryetar të Komunës së Pejës, Gazmend Muhaxheri;
Kandidat për kryetar të Komunës së Suharekës, Ardian Shala;
Kandidat për kryetar të Komunës së Lipjanit, Imri Ahmeti;
Kandidat për kryetar të Komunës së Fushë Kosovës, Burim Berisha;
Kandidat për kryetar të Komunës së Vitisë, Sokol Haliti;
Kandidat për kryetar të Komunës së Vushtrrisë, Xhafer Tahiri.
