Tash e disa javë janë certifkuar e janë kryer të gjitha procedurat nga ana e Komisionit Qendror të Zgjedhjeve, por Totaj nuk po mund të vendos se kush mund të jenë drejtorët e ardhshmë që do të qeverisë me kryqytetin historik – Przirenin.
Anton Quni që dha dorëheqje nga pozita e kryetarit të Lidhjes Demokratike të Kosovës – dega në Prizren ia ka ‘humbur’ të gjitha matematikat kryetarit aktual të Prizrenit.
Kjo edhe është arsyeja kryesore se pse po vonohen emërimet e drejtorëve komunale në këtë komunë.
“Gjatë javës LDK pritet ti jep një “xhevap” Shqair Totajt nëse do të jenë në qeveri ose jo… dhe mandej mund të emërohen drejtorët e drejtorive”, ka thënë ky burim i afërt me zhvillimet e fundit në Prizren.
Matematikat që janë prishur për Totajn me rastin e dorëheqjes së Anton Qunit nga shefi i degës në Prizren, kanë të bëjnë se Quni ka qenë kundër hyrjes në bashkëqeverisje me PDK-në.
Por, jo sikurse Quni kanë menduar një pjesë e madhe e Kryesisë së LDK-së në Prizren, përfshirë këtu edhe ushtruesin e detyrës së kryetarit të degës së LDK-së, Hatim Baxhaku.
Në rast se Totajt nuk i ‘dhez’ opsioni me LDK-në, atëherë kryetari i Prizrenit do të nis negociatat me minioritetet në mënyrë që Kuvendi komunal të mos ketë mungesë të numrave.
Totaj do të nis muhabetet për ndarje të pushtetit edhe me minoritetet.
“Në mënyrë që Kuvendi komunal të funskionoj pa porblemi ne numrave minoritetet do të përfshinë në qeveri dhe mund të marrin nga një drejtori”, ka thënë ky burim.
Gazeta Blic ka kontaktuar me Shaqir Totajn, por ai nuk ka hapur telefonin e tij.
Portali ka shkruar ditë më parë se shefi i LDK-së në Qendër, Lumir Abdixhiku ka qenë katagorik që partia që drejton të hyj në koalicion në Prizren e bashkë me të, të njëjtin mendim ka pas tashmë kryetari i dorëhequr, Anton Quni.
Gazeta Blic po ashtu ka kuptuar se gjashtë drejtoritë që do t’i takojnë Nisma Socialdemokrate (3) dhe Aleancës për Ardhmërinë e Kosovës në Prizren (3 ) janë këto:
Drejtoritë: Urbanizëm, Adminsitratë dhe Zhvillim Ekonomik, do t’i ketë Nisma
Drejtoritë: Shëndetësi, Mirëqenie Sociale dhe Emergjenca do të jenë të AAK-së.
PDK, AAK, NISMA bashkë numërojnë 15 këshilltarë komunal, por që për t`u bërë 21 – ashtu siç po kërkon Shaqir Totaj duhet edhe këshilltarët e komuniteve.
