Më shumë se 3 orë po presin shtetasit e Kosovës që jetojnë në diasporë për ta kaluar kufirin Kosovë-Serbi, për t’u rikthyer në vendet ku jetojnë e veprojnë, pasi kanë qëndruar për disa ditë në vendlindje për festat e fundvitit.
Sipas Qendrës Kombëtare për Menaxhim Kufitar në Ministrinë e Punëve të Brendshme, pritjet më të gjata janë në pikë kalimin kufitar në Merdar, të cilat po shkojnë deri në 3 orë e 30 minuta, derisa gjatësia e kolonës është deri në 2 kilometra.
Pritje të gjata ka edhe te pikë kalimi kufitar te Dheu i Bardhë, të cilat po shkojnë deri në 40 minuta.