Princi Filip, bashkëshort për 73 vite i Mbretëreshës Elizabetë II të Mbretërisë së Bashkuar, vdiq të premten në moshën 99-vjeçare.
Duka i Edinburgut u shtrua disa javë në një spital në Londër për shkak të gjendjes jo të mirë shëndetësore nga një infeksion i specifikuar, pa asnjë lidhje me COVID-19, çka i shtoi problemet me zemrën.
Mbretëresha Elizabetë II e dha lajmin me një postim nga Pallati “Buckingham”.
“Jam thellësisht e trishtuar nga humbja e bashkëshortit tim të dashur”, shkroi ajo.
Nëntorin e vitit të kaluar, Princi Filip festoi 73-vjetorin e martesës me Elizabetën II, 95 vjeçe.
Ai do të mbushte 100 vjeç në qershor.
I lindur më 10 qershor 1921, në ishullin grek të Korfuzit, Princi Filip ishte djali i vetëm i princit Endriu të Greqisë e Danimarkës dhe princeshës Alisë të Batenbergut.
