Miliarderi rus Roman Abramovich do të shesë klubin anglez Chelsea

Chelsea owner Roman Abramovich celebrates at the end of the match with his son Aaron

Chelsea është bërë një nga klubet më të mira evropiane, duke fituar disa tituj të mëdhenj që kur Abramovich mori pronësinë në vitin 2003.

Epokа e Roman Abramovich-it në Chelsea do të marrë fund pas luftës së Rusisë kundër Ukrainës, tha miliarderi rus.

Abramovich tha se ai do të shesë Chelsea-n për interesin më të mirë të klubit anglez të futbollit mes spekulimeve të mediave për pronësinë e tij.

Miliarderi rus tha se vendimi është në interesin më të mirë të skuadrës londineze, së bashku me “tifozët, punonjësit, si dhe sponsorët dhe partnerët e klubit”.

55-vjeçari tha gjithashtu se të gjitha të ardhurat neto nga shitja do të dhurohen për të ndihmuar viktimat e luftës në Ukrainë.

Ai shtoi se skuadra e Premierligës dhe tifozët e saj do të jenë gjithmonë në “zemrën” e tij dhe ai shpreson të vizitojë shtëpinë e klubit në Stamford Bridge për herë të fundit për t’i dhënë lamtumirën.

Abramovich bleu Chelsean për 140 milionë funte në vitin 2003.

Nën pronësinë e tij, Chelsea u bë një nga klubet më të mira evropiane, duke fituar disa tituj të mëdhenj, duke përfshirë dy Liga të Kampionëve të UEFA-s, dy Liga Europa dhe pesë trofe të Premierligës.

Kategoritë
BotaLajme