Ministri turk i Shëndetësisë: Do të fillojmë prodhimin e respiratorëve vendas

Koca bëri të ditur se vendi i tij ka raste pozitive të koronavirusit mes punonjësve të shëndetësisë.

Ministri turk i Shëndetësisë, Fahrettin Koca, ka deklaruar se vendi i tij do të fillojë me prodhimin e respiratorëve vendas për të luftuar përhapjen e koronavirusit të ri (COVID-19), raporton Anadolu Agency (AA).

Në një konferencë për media në Ankara, Koca u shpreh se po luftojnë për të patur sa më pak humbje në jetë në këtë epidemi që ka prekur gjithë botën.

Ai tha se solidariteti që shfaqën vendi i tij kundër koronavirusit “thuajse nuk ka shembull në botë”.

Koca po ashtu bëri të ditur se vendi i tij ka raste pozitive të koronavirusit mes punonjësve të shëndetësisë.

Kategoritë
BotaLajme