Annalena Baerbock u pranua nga anëtari kroat i Këshillit të Presidencial të Bosnjë-Hercegovinës Zhelko Komsiq, anëtari boshnjak Shefik Xhaferoviq dhe anëtari serb Milorad Dodik.
Ministrja e Jashtme gjermane Annalena Baerbock ndodhet për një vizitë në Bosnjë-Hercegovinë.
Annalena Baerbock u pranua nga anëtari kroat i Këshillit të Presidencial të Bosnjë-Hercegovinës Zhelko Komsiq, anëtari boshnjak Shefik Xhaferoviq dhe anëtari serb Milorad Dodik.
Ata ranë dakord se është thelbësore që Gjermania të vazhdojë të mbështesë rrugën e Bosnjë-Hercegovinës drejt integrimit evropian.
Ajo tha se mbështetja e fortë e vendit të saj për Bosnjë-Hercegovinën dhe përpjekjet për ta bërë atë një nga agjendat prioritare të Bashkimit Evropian (BE) do të vazhdojë.
Duke folur pas takimit, Xhaferoviq theksoi se Gjermania është mike e Bosnjë-Hercegovinës dhe e ka ndihmuar atë të rimëkëmbet nga kriza e saj.
Ndërkaq udhëheqësi serb Dodik tha: “Qëllimi ynë është të shohim se çfarë mund të bëjmë me ndërmjetësimin e Gjermanisë. Unë pyeta nëse Bosnjë-Hercegovina mund të marrë statusin e anëtarësimit në BE për shkak të krizës së Ukrainës dhe deklarova se ne nuk kemi ndërmend ta ndajmë Republikën Serbe nga Bosnjë-Hercegovina.”
Baerbock më vonë vizitoi Përfaqësuesin e Lartë në Bosnjë-Hercegovinë Christian Schmidt në zyrën e tij.
Ministrja e Jashtme e Bosnje-Hercegovinës, Bisera Turkoviq, në bisedimet me Baerlock, falënderoi Gjermaninë për mbështetjen ndaj Bosnjë-Hercegovinës gjatë 30 viteve të fundit.
Baerbock tha se ata do të ndërmarrin hapa për të ruajtur paqen në të gjitha vendet e Ballkanit Perëndimor, përfshirë Bosnjë-Hercegovinën.
