Video e një oficeri të Policisë në Shtetet e Bashkuara duke qëlluar për vdekje një afro-amerikan në pjesën e pasme të kokës pas një përleshjeje për elektroshok, është publikuar në rrjetet sociale, shkruan BBC.
Pamjet e incidentit që ndodhi më 4 prill në Michigan, tregojnë Patrick Lyoya, 26 vjeç, duke ikur nga oficeri pas një ndalimi në trafik.
Oficeri, emri i të cilit nuk është bërë i ditur, më pas dëgjohet duke i thënë Lyoyas “ta lëshojë elektroshokun”, përpara se afro-amerikani të qëllohet për vdekje teksa ai shtrihet me fytyrë përtokë.
Dhjetëra protestues u mblodhën të mërkurën jashtë Departamentit të Policisë Grand Rapids (GRPD) duke kërkuar që emri i oficerit të policisë të bëhet publik.
Aktualisht policia po heton për ngjarjen.
Lyoya është me origjinë nga Republika Demokratike e Kongos dhe ka jetuar në Grand Rapids për rreth pesë vjet, sipas zyrës së avokatit të të drejtave civile Benjamin Crump, i cili përfaqëson familjen Lyoya.
Newly released video shows a Grand Rapids (MI) police officer shooting unarmed 26 yo Patrick Lyoya while he was on the ground & facing away from the officer! Patrick never used violence against this officer even though the officer used violence against him in several instances. pic.twitter.com/5vNSWDYUpz
— Ben Crump (@AttorneyCrump) April 13, 2022
