Në prag të raundit të dytë të zgjedhjeve për presidentin e ri të Francës, Emmanuel Macron ka publikuar një seri fotografish joformale në një përpjekje për të mbledhur mbështetje nga votuesit më të rinj.
Gjashtë ditë përpara votimit presidencial, fotografi personal i Macron postoi disa fotografi nga prapaskenat e Presidentit francez në mediat sociale.
Në një foto të relaksuar, zoti Macron shihet i shtrirë në një divan të verdhë me këmishën e tij gjysmë të zbërthyer, duke zbuluar një mori qimesh në gjoks.
Një sondazh i Ipsos-Sopra Steria dje tregoi se Macron e ka zgjeruar pak epërsinë e tij, por vetëm pak.
Sipas sondazhit Macron ka një mbështetje 55.5 përqind, kundrejt Le Pen me 44.5 përqind. Marzhi i gabimit u vendos deri në 2.4 pikë.
Kjo vjen pasi Macron e sulmoi rivalen e tij në një miting dje në Marsejë.
“E djathta ekstreme përfaqëson një rrezik për vendin tonë. Mos i hidhëroni ata. Mundi ata” tha ai.
Ndërkohë Marine Le Pen është zotuar të mbajë një referendum për rivendosjen e dënimit me vdekje nëse ajo zgjidhet presidente franceze, pasi ajo zotohet të “lërë njerëzit të flasin” për çështjet që kanë rëndësi për ta.
“Unë dua që referendumi të bëhet një mjet klasik operativ”.
Ajo refuzoi të përjashtonte një votim për dënimin me vdekje, pasi “nuk ka asnjë debat të ndaluar në një demokraci të madhe dhe të pjekur”, duke shtuar: “Të lëmë njerëzit të flasin nuk është e rrezikshme, ajo që është e rrezikshme është të mos i lëmë ata”.
Prezantuesi i GB News Nigel Farage tha se gjithçka do të varet nga debati kokë më kokë i dy kandidatëve që do të zhvillohet më 20 prill.
