Njerëzit e infektuar me Delta mund ta transmetojnë virusin 2 ditë para se të kenë simptoma

Për të mbrojtur veten, vaksinimi është çelësi.

Njerëzit me variantin Delta mund të jenë në gjendje të transmetojnë virusin rreth 2 ditë para se të kenë simptoma, shkruan HealthLine.

Ky ndryshim mund të jetë një tipar kryesor që nxit rritjen e rasteve me COVID-19, sugjeron një studim i ri në revistën Nature, transmeton lajmi.net.

Transmetimi presimptomatik ishte një tipar i varianteve të mëparshme të koronavirusit, por hulumtimi sugjeron që hendeku midis marrjes së një testi pozitiv dhe simptomave ishte vetëm 0.8 ditë. Me variantin Delta, është 1.8 ditë.

Si rezultat, gati tre të katërtat e infeksioneve me Delta ndodhin gjatë fazës presimptomatike, sugjeron hulumtimi.

“Ndërsa versioni i mëparshëm i COVID-19 ishte po aq i transmetueshëm sa ftohja e zakonshme, varianti Delta është më i transmetueshëm se gripi sezonal, poliomieliti, lisi, Ebola dhe gripi i shpendëve, dhe është aq ngjitës sa lija e dhenve.”

Dhe ndërsa vaksinat janë akoma efektive në parandalimin e shtrimit në spital dhe vdekjen nga COVID-19, studimet po tregojnë se njerëzit e vaksinuar që infektohen me koronavirus, mund të kenë ngarkesa virale aq të larta sa ato midis individëve të pavaksinuar, që do të thotë se ata mund ta transmetojnë infeksionin.

Edhe pse ka pasur shumë lajme për infektimet midis të vaksinuarve, ne vazhdojmë të shohim se ata që nuk janë të vaksinuar janë ata që sëmuren më rëndë dhe shtrohen në spital.

Për të mbrojtur veten, vaksinimi është çelësi.

Kategoritë
FamiljeShëndetësi