Pas Polonisë, Rusia ndalon furnizimin e gazit edhe në Bullgari

Qeveria bullgare ka thënë se kompania shtetërore ruse e gazit Gazprom do të ndalojë dërgesat në vend nga nesër. Ky lajm vjen disa orë pasi Polonia tha se furnizimi i saj me gaz nga Rusia po pezullohej.

Reuters citon ministrinë bullgare të energjisë se Bullgaria ka ndërmarrë hapa për të siguruar furnizime alternative me gaz dhe se u ka thënë banorëve se nuk ka nevojë të kufizohet konsumi i gazit për momentin.

Ministria sqaroi se Gazprom ka propozuar një skemë të re pagese që shkel kontratën aktuale me Bullgarinë.Presidenti rus Vladimir Putin nënshkroi një dekret në fillim të këtij muaji që u kërkon blerësve të gazit të paguajnë në rubla përmes llogarive bankare ruse , për të mbështetur monedhën e tij ndërsa sanksionet perëndimore vazhdojnë.

Kategoritë
BotaLajme