Pamjet e incidentit që ndodhi mbrëmë në Portën Es-Sahire në Qytetin e Vjetër të Kudsit Lindor u publikuan në mediat sociale.
Policia izraelite goditi një baba palestinez para fëmijëve të tij në Kudsin Lindor të pushtuar.
Pamjet e incidentit që ndodhi mbrëmë në Portën Es-Sahire në Qytetin e Vjetër të Kudsit Lindor u publikuan në mediat sociale.
Në video shihet se si policia izraelite sulmon një palestinez, ndërsa djali dhe vajza e vogël e palestinezit qajnë duke bërtitur: “Baba, e duam babanë tonë”.
Disa palestinezë në lagje përpiqen ta marrin viktimën nga policia, ndërsa një tjetër përpiqet të qetësojë fëmijët duke u thënë: “Do të lënë babanë tuaj së shpejti”.
I njëjti person i thotë policisë izraelite në hebraishte: “Ka fëmijë, ata po qajnë, nuk i shihni duke qarë? Çfarë bëri ky njeri?”.
Pamjet tregojnë se një numër i madh i qytetarëve më në fund arritën të ndalonin sulmin nga policia agresive kundër palestinezit të panjohur.
Asnjë deklaratë nuk është lëshuar nga policia izraelite në lidhje me incidentin.
Që nga pushtimi i Kudsit Lindor në vitin 1967, policia izraelite ka qëndruar në portat e zonës së Qytetit të Vjetër, ku ndodhet Mesxhid al-Aqsa.
Banorët palestinezë të Qytetit të Vjetër ankohen për keqtrajtim nga ana e policisë.
https://www.facebook.com/AnadoluAgencyShqip/videos/806755246937459/