Presidenti i Ukrainës, Vladimir Zelenskiy deklaroi se: “Tani mund të themi se trupat ruse kanë filluar të luftojnë për Donbasin, ku janë duke u përgatitur për një kohë të gjatë”.

Presidenti i Ukrainës, Vladimir Zelenskiy deklaroi se: “Tani mund të themi se trupat ruse kanë filluar të luftojnë për Donbasin, ku janë duke u përgatitur për një kohë të gjatë”.

Vladimir Zelenskiy tha në një videomesazh se ushtria ruse ka filluar ofensivën e saj në Donbas dhe se pavarësisht se sa trupa ruse janë dërguar, Forcat e Armatosura të Ukrainës do të mbrojnë rajonin dhe shtetin.

“Tani mund të themi se trupat ruse kanë filluar luftën për Donbasin, ku janë duke u përgatitur për një kohë të gjatë. Një pjesë e konsiderueshme e ushtrisë ruse tani është e fokusuar në këtë ofensivë. Pavarësisht se sa trupa ruse janë dërguar atje, ne do të luftojmë. Ne do të mbrohemi. Ne do ta bëjmë këtë çdo ditë. Ne nuk do të heqim dorë nga asgjë që i përket Ukrainës”, tha Zelenskiy.

Oleksiy Arestoviç, këshilltar i lartë në Zyrën Presidenciale të Ukrainës, tha se ushtria ruse synon të kapë katër zona në ofensivën e re në lindje të vendit.

Arestoviç i tha një stacioni televiziv kombëtar se Rusia kishte katër objektiva në ofensivën e saj të re në Donbas, duke argumentuar se ofensiva e re e Rusisë për të arritur këtë qëllim filloi të dielën (17 prill).

Duke shpjeguar se ushtria ruse në përgjithësi po përpiqet të thyejë vijën mbrojtëse në lindje të vendit, Arestoviç tha se detyra e parë e ushtrisë ruse është të pushtojë territorin përgjatë rrugës Rubejnoe-Popasnaya-Severodonetsk në rajonin e Luganskut dhe kështu rusët do të përpiqen ta ndërpresin këtë rajon nga pjesët e tjera të vendit.

Arestoviç deklaroi se qëllimi i dytë i rusëve ishte kapja e këtyre territoreve duke sulmuar zonën nga Izyum në rajonin e Harkivit në Slavyansk dhe Kramatorsk, ndërsa shtoi se objektivat e tjerë të Rusisë ishin rajoni Gulyaypole i Zaporijya dhe Mariupol.

Një zyrtar i lartë nga Departamenti i Mbrojtjes i Shteteve të Bashkuara (Pentagoni) tha gjithashtu se Rusia kishte rritur numrin e batalioneve taktike në Ukrainën lindore në 76.

Batalionet taktike të Rusisë përbëhen nga 800 deri në 1.000 ushtarë.

Ndërkohë, zyrtarët ukrainas njoftuan se forcat ruse po intensifikojnë sulmet e tyre në Mariupol dhe Donbas (Donjeck dhe Lugansk).

Shefat e Shtabit të Përgjithshëm të Ushtrisë së Ukrainës raportuan se trupat ruse janë të përqendruara në thyerjen e mbrojtjes së trupave ukrainase në rajonet Lugansk dhe Donjeck dhe vendosjen e kontrollit të plotë mbi Mariupol.

Objektet në Fabrikën Metalurgjike Azovstal në Mariupol, një qytet kryesisht nën kontrollin e forcave ruse, u bombarduan gjatë gjithë ditës, sipas zyrtarëve komunalë të Mariupolit.

Thuhet se në objekte e fabrikës ndodhen trupat ukrainase, si dhe rreth 1.000 civilë.

Denis Prokopenko, komandanti i Batalionit Azov, i cili po reziston në Mariupol, lëshoi ​​një video mesazh duke u bërë thirrje liderëve botërorë të shpëtojnë civilët në Metalurgjinë Azovstal.

Prokopenko tha se qindra civilë, përfshirë gra, fëmijë dhe të moshuar, po prisnin të shpëtoheshin në strehimore.

Guvernatori i Luganskut Sergey Gayday tha se sulmet nga trupat ruse u parandaluan nga trupat ukrainase në Rubijne dhe Popasna.

Gayday tha se sulmet ishin shtuar, situata ishte bërë më e vështirë, por se ushtria ukrainase vazhdoi rezistencën e saj duke shkaktuar viktima mbi rusët dhe u bëri thirrje civilëve në Lugansk që urgjentisht të lëvizin në zona të sigurta.

Guvernatori i Hakovit, Oleh Synyehubov, njoftoi në llogarinë e tij në Telegram se sistemet e raketave dhe sulmet e artilerisë po vazhdonin në qytet.

Synyehubov raportoi se pesë civilë janë vrarë dhe 17 janë plagosur në 24 orët e fundit.

Ndërkaq, Zëvendëskryeministrja ukrainase Irina Vereshçuk njoftoi se nuk është arritur asnjë marrëveshje për korridoret humanitare për evakuimin e civilëve dhe se korridoret nuk do të hapen sot.

Vereşçuk në llogarinë e saj në Telegram tha: “Sot, për fat të keq, nuk do të ketë korridore humanitare. Bombardimet e rënda vazhdojnë në Donbas. Në Mariupol, rusët refuzojnë të ofrojnë një korridor për civilët në drejtim të Berdyansk. Ne po vazhdojmë negociatat e vështira për hapjen e korridoreve humanitare në Herson dhe rajonet e Harkov”.

Shtabi i Përgjithshëm i Ukrainës njoftoi humbjet e ushtrisë ruse nga 24 shkurti deri më 19 prill.

Sipas deklaratës, 20.800 ushtarë nga ushtria ruse që sulmuan Ukrainën u vranë, 169 avionë rusë, 150 helikopterë, 802 tanke, 2.063 automjete të blinduara, 386 armë të rënda artilerie, 132 sisteme raketahedhëse dhe 67 sisteme të mbrojtjes ajrore u shkatërruan.

Forcat ruse humbën gjithashtu 1.495 automjete, 8 anije dhe skafe të lehta, 76 autobote karburanti dhe 158 dronë.

Ministria ruse e Mbrojtjes njoftoi më 25 mars se 1.351 ushtarë rusë kishin vdekur në Ukrainë.

Ukrainë – Zelensky: Bota duhet të reagojë ndaj veprimeve të pushtuesve në Herson dhe Zaporizhie

Volodymyr Zelensky vlerësoi luftën ruso-ukrainase që la pas ditën e saj të 53^-të, gjatë fjalimin të tij të përditshëm drejtuar kombit.

“Bota duhet të reagojë ndaj veprimeve të pushtuesve në rajonet Herson dhe Zaporizhie, në jug të Ukrainës”, deklaroi udhëheqësi ukrainas duke hedhur pretendimin se ushtria ruse kishte ngritur dhoma torture paraburgimi.

“Drejtuesit tanë lokalë dhe krerët e shoqatave të njohura po rrëmbehen. Mësuesit po shantazhohen. Pensionet po konfiskohen. Ndihma humanitare po vidhen. Njerëzit po shtyhen drejt urisë”, u shpreh ai.

Zelensky tërhoqi vëmendjen më tej se ushtria ruse po përgatitet të sulmojë rajonet lindore të vendit.

“Me kuptimin e plotë të fjalës, ata duan të shkatërrojnë edhe Pellgun e Donjeckut (Donbas) sikurse po shkatërrojnë Mariupolin. Ata duan të fshijnë rajonet e Donjeckut dhe Luganskut nga faqja e dheut”, theksoi presidenti ukrainas.

Sipas tij, 18 persona u vranë dhe 106 u plagosën si pasojë e bombardimeve të vazhdueshme gjatë 4 ditëve fundit në qytetin e Harkovit.

Zelensky i përshkroi sulmet e ushtrisë ruse si “terror i vetëdijshëm” dhe shtoi: “Sigurisht që nevoja për një embargo kundër furnizimeve me naftë nga Rusia po rritet dita-ditës. Tani të gjithë në Evropë dhe Amerikë kanë filluar të shohin se Rusia po përpiqet haptazi të destabilizojë shoqëritë perëndimore.”

Lideri ukrainas potencoi gjithashtu se prej tashmë 53 ditësh janë në pritje të armëve që kanë kërkuar.

“Dua ta bëj të qartë. Çdo vonesë, çdo zvarritje politike lidhur me armët (që do të dërgohen), është autorizim që Rusia t’u marrë jetën ukrainasve”, tha Presidenti Zelensky duke kritikuar faktin që disa nga dërgesat e armëve janë formuluar që të fillojnë në maj.

Ushtria ruse filloi një ofensivë kundër Ukrainës më 24 shkurt (2022).