Protesta filloi të bëhet e dhunshme pasi protestuesit u vënë zjarrin barrikadave, koshave të plehrave dhe fasadës së Banque de France deri në mbrëmje, së bashku me një kiosk, bar dhe disa makina.
E shtuna shënoi një ditë proteste të gjerë në Francë pasi në “Marshin e Lirisë” dolën mijëra njerëz për të dënuar brutalitetin e policisë dhe projektligjin e ri global të sigurisë që favorizon mbrojtjen e policisë mbi lirinë e shprehjes, raporton Anadolu Agency (AA).
Demonstrata në Paris filloi në orën 14:00 në Place de la Republique ndërsa marshi vazhdoi deri në rrugën drejt Place de la Bastille.
Protesta ishte një marshim paqësor për orë të tëra, ndërsa filloi të bëhej gjithnjë e më e dhunshme kur afrohej mbrëmja, pasi protestuesit u vënë zjarrin barrikadave, koshave të plehrave dhe fasadës së Banque de France deri në mbrëmje, së bashku me një kiosk, bar dhe disa makina.
Disa mbanin pankarta dhe mbishkrime që proklamonin mesazhe sfiduese kundër policisë: “Nuk e sheh, nuk e kap”, “Mbajtja e armëve është jashtë përdorimit”, “Franca: Vendi i të drejtave të policisë” dhe “Polici kudo, drejtësi askund”.
Mbishkrim i theksuar ishte fjala “Liberte” e shkruar me të zezë në një sfond të bardhë e rrethuar nga një lak i kuq.
Policia ishte e pranishme gjatë gjithë ditës, megjithatë, brigadat vërshuan ndërsa turma filloi të bëhej më turbulente. Zjarrfikësit ishin të gatshëm për të shuar flakët që shkaktonin tym. Gjatë demonstratave u lënduan 37 policë.
Ministri i Brendshëm Gerard Darmanin bëri një deklaratë që dënoi “dhunën e papranueshme ndaj policisë”.
Marshimi u ndalua nga zyrtarët të enjten, duke pasur parasysh praninë e koronavirusit, kurse policia bëri thirrje vetëm për tubim. Megjithatë, një gjykatë administrative e rrëzoi këtë vendim të premten vonë duke e lejuar protestën.
Zyrtarët e zgjedhur, si dhe anëtarët e lëvizjes Jelekët e Verdhë ishin të pranishëm, së bashku me sindikatat e punës dhe organizatat e të drejtave të njeriut, si Shoqata e të Drejtave të Njeriut dhe Amnesty International.
“Liria jonë është në rrezik, ne jemi vërtet të lumtur që i shohim të gjithë këta njerëz këtu sot”, tha Manon, një studente që marshoi me shoqen e saj, Clara. “Kjo tregon se parisianët janë popull që kërkojnë lirinë e tyre”, tha ajo.
Lidhur me ligjin e ri që po u kalua në parlament, fjalët e saj ishin të drejtpërdrejta.
“Është e pabesueshme të jesh në vitin 2020 dhe të kemi ligje të tilla”, theksoi Manon.
E pyetur se çfarë duhet bërë, Clara tha se duhet të pezulluar ligjet e tilla. “Ky institucion është racist, homofobik dhe seksist”, u shpreh ajo.
Ashtu si protestat “Black Lives Matter” më parë, demonstratat e së shtunës dërguan një mesazh për forcat e zbatimit të ligjit dhe qeverinë se të drejtat e njerëzve nga policia nuk mund të shuhen.
Protesta vjen pasi Asambleja Kombëtare miratoi të martën një projektligj gjithëpërfshirës të sigurisë. Pjesa e diskutueshme, neni 24, ndalon bërjen e fotografive të policisë gjatë kryerjes së detyrës dhe shpërndarjen e atyre imazheve në internet dhe në media. Shkelësit mund të përballen me një dënim me burgim prej një viti dhe një gjobë prej 45.000 eurosh. Projektligji shkon në Senat në janar për shqyrtim.
Gazetarët, organizatat e lajmeve dhe grupet e të drejtave të njeriut denoncuan projektligjin si një sulm ndaj lirisë së shprehjes, i cili u bë edhe më i theksuar brenda një jave kur regjistroi dy raste ekstreme të brutalitetit policor.
Të shtunën, tre oficerë keqtrajtuan producentin muzikor Michel Zecler brenda një studioje në Arrondissement 17 të Parisit, duke i shkaktuar dëmtime të mëdha dhe gjakderdhje. Ndërsa u larguan nga lokali, policia hodhi një granatë lotsjellëse në dritaren e studios.
Më vonë, oficerët shkruajtën një përshkrim të rremë të ngjarjeve në raportin policor. Darmanin tha se ngjarja ishte “tronditëse” dhe bëri thirrje për pezullimin e oficerëve të enjten.
Të hënën, policia pastroi një kamp migrantësh në Place de la Republique të Parisit në Arrondissement 11, një veprim i ashpër në të cilin disa migrantë u panë të rrahur në pamjet që u bënë virale.
Darmanin vlerëson se numri në demonstratat mbarëkombëtare të së shtunës ishte 133.000, prej të cilëve 46.000 vetëm në Paris. Organizatorët thonë se ishin afër gjysmë milioni.
