Seriali koreano-jugor “Squid Game” ka shkaktuar varësi mbarëkombëtare dhe psikologjia mund të japë një shpjegim. Në më pak se një muaj, u bë seriali më i ndjekur në Netflix. Seriali ka në fokus 456 pjesëmarrës të cilët janë mbyllur në një vend të fshehtë, për të fituar 45.6 miliardë. Por vetëm njëri prej tyre do të fitojë çmimin në para, pjesa tjetër do të vdesë.
Pra, pse është Squid Game kaq popullor? Shpjegimi qëndron në psikologji. Para së gjithash, seriali tregon realitetin e kohës sonë, ku gjithçka sakrifikohet në altarin e parave, ndërsa kritikon në të njëjtën kohë shoqërinë konkurruese kapitaliste. Të varfrit konkurrojnë në një lojë jetë a vdekje për të mbijetuar. Dhe e gjithë kjo bëhet për të argëtuar të pasurit, shkruan abcnews.al.
Në një kohë kur gjithnjë e më shumë njerëz janë të frustruar me shoqërinë, shqetësimi për padrejtësitë është shumë i popullarizuar.Mirëpo, përsëri, ka shumë seriale dhe filma që trajtojnë pabarazinë dhe padrejtësinë shoqërore. Por ajo që e veçon Squid Game është se ndërsa identifikohemi me konkurrentët dhe e vendosim veten në vendin e tyre, ata nuk janë e vetmja gjë që bëjmë
Pas disa episodesh, zbulohet se këto lojëra shihen nga njerëz të pasur që vënë bast për të varfrit. Në një kuptim, kur e shohim këtë serial, jemi në një pozicion rë ngjashëm me të pasurit. Shqetësohemi për çdo lëvizje të konkurrentëve por jemi gjithashtu në përputhje me të pasurit, duke parë lojërat me ftohtësi. Kalimi midis të dyve është lëvizja më e rëndësishme, novatore në serial.
