Zyrtarë të lartë të CIA -s gjatë administratës së Trump planifikuan rrëmbimin dhe madje vrasjen e themeluesit të WikiLeaks, Julian Assange, sipas një raporti amerikan, i cili citonte disa ish -zyrtarë.
Ky i fundit në atë kohë strehohej në ambasadën e Ekuadorit në Londër. Lajmi është publikuar nga Yahoo News dhe më pas është marrë nga media të tjera ndërkombëtare. Ai që kërkonte një luftë totale kundër Assange ishte sidomos sekretari amerikan i shtetit në atë kohë, Mike Pompeo.
Sipas hetimeve, agjencia diskutoi edhe mundësinë e vrasjes së Assange, por kishte shumë shqetësime rreth pasojave. Uashington ishte në gjendje alarmi dhe për mundësinë që shërbimi rus i inteligjencës të merrte në mënyrë sekrete Assange në Rusi.
Rrëmbimi ose vrasja e një civili të akuzuar do të kishte shkaktuar zemërim global.
Barry Pollack, avokati amerikan i Assange, nuk iu përgjigj kërkesës për koment, por tha për Yahoo News: “Si një qytetar amerikan, më duket absolutisht skandaloze që qeveria jonë të planifikojë rrëmbimin ose vrasjen e dikujt pa asnjë proces gjyqësor thjesht sepse ai kishte publikuar informacione të vërteta.
Assange ishte strehuar në ambasadën ekuadoriane që nga viti 2012 për të shmangur ekstradimin në Suedi. Ai u arrestua në vitin 2019 nën akuzën e sulmeve seksuale pasi u dëbua nga qeveria ekuadoriane dhe tani ndodhet në një burg në Londër.
Ai është akuzuar nga prokurorët amerikanë se është përpjekur të ndihmojë Chelsea Manning në hakimin e një rrjeti kompjuterik ushtarak për të marrë disa dokumente me vlerë në një përpjekje për të ndihmuar ish -analistin e ushtrisë amerikane.
