Rregullatori i BE-së miraton përdorimin e ilaçit të artritit për pacientët e rëndë me COVID-19

‘RoActemra’, shpjegoi EMA duke iu referuar një studimi, reduktoi rrezikun e vdekjes tek pacientët që kishin nevojë për oksigjen ose ventilim shtesë dhe që rezultatet e gjakut të tyre treguan inflamacion

Komiteti i Agjencisë Evropiane të Barnave (EMA) ka bërë të ditur se ka rekomanduar përdorimin e një ilaçi anti-inflamator të artritit për pacientë e prekur rëndë nga koronavirusi i ri (COVID-19) pasi redukton rrezikun e vdekjes, transmeton Anadolu Agency (AA).

Rregullatori evropian i barnave njoftoi se komiteti i EMA-s mbi barnat për njerëzit “ka rekomanduar zgjerimin e indikacionit të ‘RoActemra’ për të përfshirë trajtimin e të rriturve me COVID-19 të cilët po marrin trajtim sistematik me kortikosteroide dhe kërkojnë oksigjen shtesë ose ventilim mekanik”.

Ilaçi tashmë është përdorur për trajtimin e pacientëve me forma të ndryshme të artritit që vuajnë nga inflamacioni.

‘RoActemra’, shpjegoi EMA duke iu referuar një studimi që përfshin mbi 4 mijë pacientë të rritur të shtruar në spital, reduktoi rrezikun e vdekjes tek pacientët që kishin nevojë për oksigjen ose ventilim shtesë dhe që rezultatet e gjakut të tyre treguan inflamacion.

Sipas studimit, tek njerëzit e kuruar me ilaçin ‘RoActemra’ së bashku me trajtimin standard vdiqën 31 për qind, ndërsa tek ato që morën vetëm trajtim standard vdiqën 37 për qind.

Po ashtu 57 për qind e personave të grupit të parë arritën të fitojnë betejën brenda 28 ditëve krahasuar me 50 për qind e atyre në grupin e dytë.

Pas rekomandimit të EMA-s, Komisioni Evropian do të zgjasë licencën e marketingut të ilaçit, i cili është në pronësi të kompanisë farmaceutike zvicerane ‘Roche

Kategoritë
BotaLajme