Forcat ruse u kujdesën që të “mos ketë shkelje të kufirit shtetëror të Federatës Ruse”.
Avionët rusë ndoqën 5 avionë amerikanë dhe francezë mbi Detin e Zi, njoftoi sot Ministria e Mbrojtjes së Rusisë, transmeton Anadolu Agency (AA).
Tre avionë luftarakë Su-27 u ngritën në qiell pasi kontrollet e hapësirës ajrore zbuluan objektiva ajrore mbi ujërat neutrale të Detit të Zi që vinin drejt kufijve të Rusisë të enjten, sipas një deklarate të ministrisë.
Avionët që u identifikuan ishin “dy avionë luftarakë taktik francezë Mirage 2000 dhe Rafale AF, avioni spiun i ushtrisë amerikane CL-600 Artemis, avionët francezë të zbulimit strategjik RC-135 USAF dhe avion cisternë KC-135 AF”.
Ministria tha se avionët rusë i ndoqën avionët amerikanë dhe francezë mbi Detin e Zi dhe u kthyen të sigurt, duke u kujdesur që “nuk kishte shkelje të kufirit shtetëror të Federatës Ruse”.
Avionët luftarakë rusë operuan “në përputhje të rreptë me rregullat ndërkombëtare për përdorimin e hapësirës ajrore mbi ujërat neutrale pa kaluar rrugën ajrore dhe qasjen e rrezikshme ndaj avionëve të shteteve të huaja”, thuhet në deklaratë.
