SHBA-ja dhe NATO fillojnë zyrtarisht tërheqjen e trupave nga Afganistani

SHBA-ja ka filluar zyrtarisht tërheqjen e trupave nga Afganistani, duke filluar vetëm përfundimin e asaj që presidenti amerikan, Joe Biden, e quajti si “lufta e përjetshme”.

Sipas BBC, përcjell Telegrafi, SHBA-ja dhe NATO e kanë pasur praninë e tyre në Afganistan për gati 20 vjet.

Mirëpo, tërheqja e trupave e cila do të zgjasë deri më 11 shtator, vjen në mes të përshkallëzimit të dhunës, derisa forcat afgane të sigurisë gjenden në gatishmëri të lartë për sulme hakmarrëse.

Talibanët kanë paralajmëruar se ata nuk mbështesin më marrëveshjen, që të mos synojë trupat ndërkombëtarë.

Sipas një marrëveshjeje të nënshkruar vitin e kaluar midis militantëve dhe presidentit të atëhershëm, Donald Trump, forcat e huaja do të ishin larguar nga 1 maji, derisa talibanët do të ndalnin sulmet ndaj trupave ndërkombëtarë.

Zyrtarët i thanë Reuters se gjatë kësaj kohe talibanët i kanë mbrojtur bazat ushtarake perëndimore nga grupet rivale islamike. Kjo nuk i ka ndalur sulmet e talibanëve ndaj forcave afgane dhe ndaj civilëve.

Kategoritë
BotaLajme