SHBA nuk është më vendi më i pasur në botë, ja cili është tani

Kina është tashmë vendi më i pasur në botë.

Kështu deklaroi këtë javë firma konsulente McKinsey & Co , e cila përmes një raporti të përpunuar të titulluar “Rritja e ekuilibrit global: deri në çfarë mase po e përdorim pasurinë tonë në mënyrë produktive?”, ka njoftuar ndryshimin e “liderit” në botë të ekonomisë.

Vendi aziatik i zhvendos kështu Shtetet e Bashkuara nga pozicioni i tij i privilegjuar.

Në këtë raport, firma konsulente shqyrton bilancet kombëtare të dhjetë vendeve, të cilat përfaqësojnë më shumë se 60% të të ardhurave botërore.

Kina akumulon 50% të rritjes së pasurisë në dy dekadat e fundit .

Shtetet e Bashkuara të Amerikës me 22% dhe Japonia me 11% plotësojnë podiumin e kësaj renditjeje.

Pasuria e Kinës ishte 106 trilionë euro në vitin 2020 , krahasuar me 6 trilionë që grumbulloi në vitin 2000.

Shtetet e Bashkuara, nga ana tjetër, kanë dyfishuar vlerën e saj neto , sipas vlerësimeve të Bloomberg , duke arritur gati 80 trilionë euro, megjithëse tani është larg nga të qenit vendi më i pasur.

Si në vendet e Amerikës së Veriut ashtu edhe në atë aziatike, më shumë se dy të tretat e pasurisë akumulohen nga 10% e familjeve më të pasura, megjithëse kjo përqindje vazhdon të rritet.

Sasia e pasurisë në vend e akumuluar nga 10% e familjeve më të pasura është rritur me 4% në këtë shekull, duke arritur në 71%.

Shenja e një krize financiare

Në raportin e McKinsey & Co mund të shihet se rreth 70% e pasurisë botërore ruhet në pasuri të paluajtshme.

Pjesa tjetër gjendet në infrastrukturë, makineri dhe pajisje dhe, në një masë më të vogël, në asete jo-materiale, si pronësia intelektuale dhe patentat.

Vlera neto është rritur ndjeshëm këtë shekull, duke tejkaluar rritjen e PBB-së botërore , e nxitur nga rritja e çmimeve të pronave dhe rënia e normave të interesit.

Megjithatë, kjo mund të ketë pasoja negative.

Kjo rritje e vlerës së pasurive të paluajtshme i bën banesat të paarritshme për shumë njerëz , gjë që do të shkaktonte një skenar krize financiare si ai që ndodhi në 2008 në mbarë botën, kur shpërtheu flluska e pasurive të paluajtshme.

Kategoritë
Ekonomi